I dërguari i posaçëm i Bashkimit Europian për Dialogun Kosovë – Serbi, Peter Sorensen, ka hyrë në takim me Presidenten e Republikës së Kosovës, Vjosa Osmani.
Fillimisht, vizitën e tij në vend, Sorensen e nisi me një takim me Kryeministrin në detyrë, Albin Kurti.
Pas takimit me Kurtin, Sorensen nuk është deklaruar për media dhe ka vazhduar direkt në Presidencë.
Kjo është vizita e parë zyrtare e tij për këtë vit në Kosovë.
Me Kurtin takimi nisi në orën 09:00, kurse me Osmanin në orën 10:00.
Në Kosovë është planifikuar edhe takim me përfaqësuesit e partive opozitare.
Pas Prishtinës, Sorensen pritet ta vizitojë dhe Beogradin. Edhe atje parashihet të takohet me udhëheqësit e Serbisë.
Klikoni KËTU për tu bërë pjesë e kanalit të TV Prizreni në Youtube.
