Të enjten, veteranët e luftës së UÇK-së për tetë orë kanë protestuar para Kuvendit të Kosovës me kërkesën që të ndërpritet seanca plenare dhe të merren parasysh kërkesat e tyre për përfshirje në Projektligjin për pagën minimale.
Pas shumë përpjekjeve për vazhdim të seancës, një gjë e tillë ka qenë e pamundur edhe për shkak të protestës së opozitës në Kuvend të Kosovës.
E ashtu, siç dje u paralajmërua sot në orën 09:00 nisi takimi ndërmjet kryeministrit Albin Kurti me përfaqësuesit e veteranëve, raporton Telegrafi.
Në takim me Kurtin kanë shkruar ushtruesi i detyrës së kryetarit të OVL të UÇK-së, Faton Klinaku dhe kryetari i Shoqatës së Familjarëve të Dëshmorëve të UÇK-së, Xhavit Jashari.
Kryetari i Shoqatës së Familjarëve të Dëshmorëve të UÇK-së, Xhavit Jashari ka paralajmëruar edhe masa të tjera, në rast se nuk plotësohen kërkesat e tyre në takimin me kryeministrin.
“Ne i ftojmë deputetët, ata të cilët vlerësojnë, ata të cilët kanë qenë pjesë e luftës nëse edhe në takimin e nesërm nuk reflekton kryeministri dhe qeveria, ne do të vazhdojmë kundërshtojmë fuqishëm”, ka shtuar ai. /Telegrafi/
