Ka nisur ndeshja eliminatore për botërorin “Katari 2022” ndërmjet Spanjës dhe Kosovës.
Ndeshja po luhet në Sevilla, ndërkohë që spanjollët janë favoritë të mëdhenj për të fituar këtë ballafaqim, jo vetëm sportiv.
Autoritetet spanjolle i kanë paraprirë kësaj ndeshje me nënçmim ndaj ekipit përfaqësueses së Kosovës, jo për shkak të cilësisë, por për shkak të statusit të shtetit – pavarësisë, që ky vend nuk e njeh.
Spanja po paraqitet me formacionin 4-3-3: Simon; Llorente, Garcia, Martinez, Alba; Koke, Busquets, Pedri; Torres, Morata, Olmo.
Ndërkohë, Kosova do të paraqitet me formacionin 3-4-1-2: Ujkani; Vojvoda, Dresheviq, Aliti; Hadërgjonaj, Halimi, Kryeziu, Kololli; Celina; Rashica, Muriqi.
Ndeshjen e parë të këtij cikli kualifikues, Kosova e humbi në Prishtinë para pak ditësh nga Suedia (0:3).
