Prokuroria Speciale e Kosovës ka ngritur aktakuzë kundër të pandehurve me iniciale P.L, N.SH dhe E.B., për shkak të dyshimit se të pandehurit në bashkëkryerje kanë kryer veprën penale ‘’Keqpërdorimi i pozitës apo autoritetit zyrtar’’.
KOHA mëson se bëhet fjalë për rastin e 53 milionë eurove shtesë të cilat Ministria e Infrastrukturës me në krye ish-ministrin e saj, Pal Lekaj i kanë ndarë për “Bechtel&Enka”, disa vjet më parë, për ndërtimin e autostradës “Arbën Xhaferi” që lidh Kosovën me Maqedoninë.
