Këshilli i fshatit, Piranë, njofton se ditën e shtunë do të varrosen mbetjet mortore të, Ukë Ukajt, i cili rezultonte si person I zhdukur që nga data 26 prill e vitit 1999. Ai ishte edhe babai i dëshmorit të kombit, Vait Ukaj, njofton ky këshill përmes faqes së tij në facebook.
“Të nderuar bashkëfshatarë të fshatit Piranë
Ju njoftojmë se ditën e shtunë me datë 04.05.2024 në ora 13:00 bëhet varrimi i , Ukë Sait Ukaj në fshatin Piranë.
Homazhet fillojnë prej orës 11:00 në oborrin e shkollës “Dy dëshmorët”.
Baca Ukë është njëri ndër viktimat e luftes së fundit ku nga data 26 prill 1999 e deri tani nuk është ditur për fatin e tij.
Ne si komunitet i gëzohemi faktit që trupi i Baces Ukë është zbuluar dhe urojmë që edhe personat tjerë që janë të zhdukur të gjenden sa më shpejt.
Baca Ukë është baba i dëshmorit të kombit, Vait Ukaj. Këshilli i fshatit Piranë i shpreh ngushëllime familjes Ukaj!”, thuhet në fund të këtij njoftimi.
Klikoni KËTU për tu bërë pjesë e kanalit të TV Prizreni në Youtube.
