Të premten (11 tetor) do të mbahet seancë e jashtëzakonshme në Kuvend. Në rend dite është debati parlamentar për komunikimet e kryetares së Grupit Parlamentar të Lëvizjes Vetëvendosje, Mimoza Kusari-Lilën, me terroristin Milan Radoiçiq. Seanca do të nisë në orën 12:00.
“Debat Parlamentar për komunikimet e kryetares së Grupit Parlamentar të Lëvizjes Vetëvendosje, Mimoza Kusari – Lila me Milan Radojicic”, thuhet në dokumentin e siguruar nga KOHA.
Gjatë ditës, partitë opozitare kanë propozuar rezolutë për hetimin e shefes së GP të partisë në pushtet dhe shkarkimin e saj.
Të mërkurën u publikua një përgjim në të cilin u dëgjua zëri i Kusari-Lilës tek bisedon me terroristin Radoiçiq.
Siç ka raportuar “paparaci.com” bazuar në audio, Kusari-Lila e Radoiçiq flasin për votime në Kuvend. Publikimin, deputetja Kusari-Lila e ka quajtur të montuar.
Klikoni KËTU për tu bërë pjesë e kanalit të TV Prizreni në Youtube.
