Nesër nga ora 11:00 do të bëhen homazhe në kompleksin e varrezave të martirëve në Tusuz, në shenjë respekti e përkujtimi për martirët të cilët u flijuan për lirinë e Kosovës, të cilët u vranë e masakruan para 25 vitesh në shtëpitë e veta nga dora gjakatare serbe.

Organizatorët nga Bashkësia Lokale “Xhevat Berisha” dhe dega e Organizatës së Veteranëve të Luftës së Ushtrisë Çlirimtare të Kosovës- dega në Prizren, ftojnë qytetarët që të marrin pjesë në këto homazhe.

Ndryshe, në mesin e  27 të masakruarve kishte edhe persona me të meta fizike, pra thjesht në këtë masakër nuk u kursye asgjë shqiptar, e cila mjerisht u arrit edhe me ndihmën e bashkëpunëtorëve dhe kolaboracionistëve, të cilët i ndihmuan armikut edhe në djegien e më shumë se 250 shtëpive të kësaj lagjeje.