Komuna e Prizrenit ka rikujtuar se të martën në bazë të Ligjit Nr. 03/L-040 për Vetëqeverisjen Lokale, nenit 92 të Statutit të Komunës së Prizrenit me Nr. 01/011-5643, kryetari i Komunës së Prizrenit në bashkëpunim me Njësinë për Komunikim me Publikun organizojnë takimin publik me qytetarë.
“Ftohen të gjithë qytetarët e Komunës së Prizrenit, OJQ-të dhe palët tjera të interesuara, në takimin e dytë publik të kryetarit të Komunës së Prizrenit, z. Shaqir Totaj, me qytetarë. Në këtë takim para qytetarëve Kryetari raporton për punën njëvjeçare janar-dhjetor 2025” – thuhet në njoftim.
Takimi publik mbahet më 30.12.2025 (e martë) në sallën e mbledhjeve të Kuvendit të Komunës (Shtëpia e Bardhë), në orën 09:00.
Takimi është i hapur për qytetarët, për parashtrimin e pyetjeve adresuar kryetarit dhe ekzekutivit të Komunës për të gjitha temat të cilat atyre u interesojnë.
“Komentet dhe sugjerimet tuaja mund t’i dërgoni deri më 29.12.2025 në orën 09:00, në e-mail-at: [email protected] dhe [email protected] si dhe në formë fizike në këtë adresë: Rruga “Adem Jashari” Nr 275 Prizren 20000 (Shtëpia e Bardhë)” – thuhet në njoftim.
Raportet e punës së kryetarit të komunës mund t’i gjeni të publikuara në këtë vegëz: https://prizren.rks-gov.net/raportet-e-kryetarit/