Nesër mbahet debati publik me temën “Gjendja e përgjithshme e komuniteteve jo shumicë në Komunën e Prizrenit”

Komuna e Prizrenit në faqen e saj zyrtare ka njoftuar se nesër  më 25 nëntor (e mërkurë) organizon debat publik me temën “Gjendja e përgjithshme e komuniteteve jo shumicë në Komunën e Prizrenit dhe bashkëpunimi”.

Andaj, ftohen të gjithë anëtarët e komuniteteve jo shumicë, asamblistët nga radhët e komuniteteve, përfaqësuesit e fshatrave të rajonit të Zhupës dhe Podgorës, drejtorët e shkollave nëpër fshatra, koordinatorët e shkollave të qytetit dhe përfaqësuesit e Policisë, shoqërive civile dhe të mediave që të marrin pjesë në këtë debat.

Debati publik do të mbahet ne Shtëpinë e Bardhë, në ora 11:00, ndërkaq pjesëmarrja do të jetë e kufizuar në bazë të distancës në sallën e mbledhjeve të Kuvendit Komunal.

Në këtë debat publik të pranishëm do të jenë kryetari i Komunës së Prizrenit, Mytaher Haskuka, nënkryetari, Visar Shehu, nënkryetarja për Komunitete, Memnuna Ajdini dhe drejtorët komunalë, thuhet në njoftim/