Elvin Sope, boksieri me prejardhje nga Zhuri i Prizrenit, i cili jeton dhe vepron në Gjermani, do të përballet më 27 nëntor 2026, nga ora 20:00, me meksikanin Jose Rivas, në kuadër të mbrëmjes së boksit “Symphony of the Ring”, e cila do të mbahet në Rust të Gjermanisë. Sope, i njohur në ring me nofkën “The Hitman”, synon ta vazhdojë serinë e fitoreve në karrierën e tij profesioniste.
Boksieri Elvin Sope, me rrënjë nga Zhuri i Prizrenit, pritet të jetë pjesë e një tjetër mbrëmjeje të rëndësishme të boksit profesionist në Gjermani. Më 27 nëntor, ai do të ngjitet në ring në kuadër të eventit “Symphony of the Ring”, ku përballë do ta ketë boksierin me përvojë Jose Rivas.
Sipas të dhënave të publikuara në njoftimin për këtë përballje, Sope ka regjistruar dy fitore në dy meçet e para profesioniste, të dyja me nokaut. Kështu, dueli i radhës paraqet një mundësi për boksierin me prejardhje nga Zhuri që ta vazhdojë ecurinë pozitive dhe të shtojë një tjetër fitore në bilancin e tij.
