Komuna e Prizrenit në faqen e saj zyrtare ka njoftuar se gjatë ditës së sotme, Nënkryetari i Komunës së Prizrenit, Kujtim Gashi ka nënshkruar Memorandum Bashkëpunimi me Agjencinë Kadastrale të Kosovës.

Njoftimi i plotë:

Ky Memorandum ka për qëllim Kompletimin e sistemit të adresave në territorin e komunës.
Kompletimi i sistemit të adresave në Kosovë do të bëhet në bashkëpunim mes AKK-së dhe komunave të mbështetur nga “Projekti i Kadastrës se Patundshmërive dhe Infrastruktures Gjeohapësinore” (REGIP) të Bankës Botërore. Gjithashtu u shpreh gatishmëri nga ana e Komunës për bashkëpunime të mëtutjeshme me qëllim të përmirësimit të jetës se qytetarëve.