Kryetari i Komunës së Prizrenit, Shaqir Totaj, ka njoftuar se sot është nënshkruar Marrëveshje Bashkëpunimi me Allianz Foundation dhe Autostrada Biennale, në kuadër të vazhdimit të partneritetit për zhvillimin e turizmit kulturor dhe ekonomisë kreative në Prizren.
Sipas Totajt, marrëveshja shënon vazhdimin e partneritetit për zbatimin e fazës së dytë të projektit “Zhvillimi socio-ekonomik përmes turizmit kulturor dhe zgjerimit të hapësirave kulturore”.
Ky projekt synon forcimin e mëtejshëm të ofertës kulturore të Prizrenit, zhvillimin e turizmit kulturor dhe ekonomisë kreative, si dhe krijimin e hapësirave dhe programeve të reja kulturore e mjedisore.
