Në Spitalin e Përgjithshëm „Prim. Dr. Daut Mustafa” në Prizren ka filluar renovimi i plotë i tri reparteve: Urologjisë, Ortopedisë dhe Otorinolaringologjisë (ORL).
Lajmin e ka bërë të ditur drejtori i këtij institucioni shëndetësor, Osman Hajdari, i cili ka theksuar se investimi synon përmirësimin e kushteve për pacientët dhe personelin shëndetësor.
Sipas Hajdarit, renovimi është pjesë e angazhimeve për përmirësimin e infrastrukturës spitalore dhe krijimin e ambienteve më moderne e funksionale për ofrimin e shërbimeve shëndetësore.
Drejtori ka theksuar se përmes investimeve të vazhdueshme synohet krijimi i kushteve më të mira për trajtimin e pacientëve dhe punën e stafit shëndetësor.
Klikoni KËTU për tu bërë pjesë e kanalit të TV Prizreni në Youtube.
