Të premtën në Universitetin “Ukshin Hoti” në Prizren, Shoqata “Gratë e Dëshmorëve” në krye me kryetarën Xhyhere Vezaj Maqka, organizuan manifestimin përkujtimor me siglën “Ti përkujtojmë martirët e Tusuzit”.

Me rastin e 24 vjetorit të masakrës së Tusuzit, ishte organizuar ky manifestim duke përkujtuar kështu masakrën më të madhe në qytetin e Prizrenit, asaj të Tusuzit, ku u vranë mizorisht nga forcat armike serbe 27 qytetarë.

Përveç fjalimeve pjesë e këtij organizimi ishin dhe shumë recitale nga të pranishmit, me tematikë për t’i kujtuar 27 qytetarët civil të vrarë në këtë lagje.