Policia e Kosovës ka kryer një operacion bastisjeje në Prishtinë, të hënën, me ç’rast ka sekuestruar katër riga (pajisje kompjuterike për mihjen e kriptovalutave) dhe 30 pajisje të tjera po për këtë punë, që ishin funksionale.
Bastisja u krye në një lokal në fshatin Shkabaj, ndërsa pos zyrtarëve të Administratës Tatimore të Kosovës, në vend të ngjarjes janë ftuar edhe zyrtarët e KEDS-it dhe ata të Doganës.
Rasti është iniciuar si “prodhim i ndaluar”.
Qeveria e Kosovës e pati ndaluar mihjen e kriptovalutave me qëllim të kursimit së energjisë elektrike.