Drejtoria e Bujqësisë dhe Zhvillimit Rural në Komunën e Prizrenit është duke vazhduar me realizimin e projektit “Rehabilitimi i rrugëve fushore”, ku, po punohet në krijimin e 2.5 km rrugë fushore në fshatin Piranë.
Përmes një postimi në rrjetin social facebook, komuna ka bërë të ditur se sektori i bujqësisë është duke u trajtuar me prioritet e me programe strategjike.
Kurse, si të domosdoshëm e kanë cilësuar krijimin e kushteve të mira infrastrukturore për qasje të lehtë të qytetarëve për zhvillim në sektorin e bujqësisë dhe blegtorisë.
