Në Atmaxhë ka filluar kubëzimi i rrugëve dhe ndërtimi i sistemit të kanalizimit

Komuna e Prizrenit ka njoftuar se ka filluar kubëzimi i rrugëve dhe ndërtimi i sistemit të kanalizimit në fshatin Atmaxhë.

Njoftimi i plotë:

Në fshatin Atmaxhë kanë filluar punimet në realizimin e projektit për kubëzimin e rrugëve dhe ndërtimit të sistemit të kanalizimit në 5 akse rrugore (846 metra).

Ky projekt është një ndërhyrje e rëndësishme për ta përmirësuar infrastrukturën dhe cilësinë e jetës së banorëve të Atmaxhës, derisa punimet po zhvillohen sipas dinamikës së paraparë.