Prokurori i Shtetit, në raportin 24-orësh të ZKPSh-së, ka njoftuar opinionin publik se gjatë 24 orëve të fundit nga prokuroritë themelore janë ngritur 26 aktakuza kundër 31 personave, për vepra të ndryshme penale, po ashtu, me urdhër të Prokurorit të Shtetit, për 48 orë janë ndaluar 18 persona, si dhe janë paraqitur 4 kërkesa për caktimin e paraburgimit për 5 persona, të dyshuar për vepra të ndryshme penale.
Në raport bëhet e ditur se Prokuroria Themelore në Prizren gjatë 24 orëve të fundit, me urdhër të prokurorit ka ndaluar për 48 orë, katër persona të dyshuar, si dhe ka parashtruar tri kërkesa për caktim të paraburgimit kundër katër personave.
Ndalimet e personave me urdhër të prokurorit:
Departamenti i Përgjithshëm, me urdhër të prokurorit ka ndaluar për 48 orë, katër persona të dyshuar, në dy raste të ndara. Tre persona janë ndaluar për veprat penale “Mbajtja në pronësi, kontroll ose posedim të paautorizuar të armëve”, “Kanosja” dhe Sulmi. Ndërsa, një person është ndaluar për veprën penale “Vjedhja” dhe një person për veprën penale “Mbajtja në pronësi, kontroll ose posedim të paautorizuar të armëve “sipas KPRK-së.
Kërkesat për caktim të paraburgimit (apo masa tjera):
Departamenti i Përgjithshëm, ka parashtruar tri kërkesa për caktim të paraburgimit kundër katër personave, në tri raste të ndara. Një kërkesë kundër dy personave për veprën penale “Vjedhja”, një kërkesë kundër një personi për veprën penale “Dhuna në familje” si dhe një kërkesë kundër një personi për veprën penale “Rrezikimi i trafikut publik” sipas KPRK-së.