Ministria e Shëndetësisë ka njoftuar se në 24 orët e fundit janë dhënë 21.903 doza të vaksinës kundër COVID-19
Prej fillimit të vaksinimit në të gjitha qytetet e Kosovës janë dhënë 601.701 doza të vaksinës.
Deri më sot të vaksinuar me dozën e parë janë 388.422 qytetarë, ndërsa me dozën e dytë janë 213.279.
Ndryshe në 24 orët e fundit nga 9581 testime, 1765 qytetarë kanë rezultuar pozitiv me virusin COVID-19, ndërkaq janë shënuar pesë raste të vdekjes.
Kurse janë shëruar 121 qytetarë, derisa numri i përgjithshëm i të shëruarve është 106.278.
Në total numri i rasteve aktive është 10.183.