Si çdo përvjetor, monumenti i Pavarësisë së Kosovës edhe këtë vit ka marrë pamje tjetër.
Ish-deputeti Fisnik Ismaili, që është edhe ideatori i këtij monumenti këtë vit ka vendosur që mesazhi i këtij monumenti të jetë për gratë.
“Gratë me Krahë”, është mesazhi që përçohet përmes vizatimit në këtë monument.
Në lidhje me këtë ide, Rrejti i Grave të Kosovës, ka falënderuar Ismailin për këtë mesazh.
“RrGK u uron 14 vjetorin e shpalljes së Pavarësisë së Kosovës. Këtë vit, monumenti i pavarësisë, Newborn Monument, u përkushtohet grave të fushave të ndryshme si dhe përçon mesazhin kundër dhunës ndaj grave e vajzave. Falënderojmë Fisnik Ismailin që sivjet në zemër të këtij monumenti vendosi mesazhin “Gratë me Krahë”, duke bërë që gratë të fillojnë të marrin vendin e merituar në hapësirat e debatet publike”, thuhet në postimin e tyre.
Klikoni KËTU për tu bërë pjesë e kanalit të TV Prizreni në Youtube.
