Specialistët e Seksionit Kundër Narkotikëve dhe Trafiqeve të Paligjshme në DVP Shkodër në kuadër të operacionit të koduar policor ‘’Armstrong’’ kanë arrestuar 4 shtetas nën akuzën e trafikimit të lëndëve narkotike.
Në një mjet të drejtuar nga J.Sh, me pasagjerë B.S, dhe K.S, është gjetur 1 kg drogë e futur në një kovë me djathë.
Të arrestuarit janë:
J. Sh. 31 vjeç, banues në fshatin Vrak, Malësi e Madhe;
B. S., 36 vjeç, banues në fshatin Grude e Re, Shkodër;
K. S., 50 vjeç, banues në fshatin Grude e Re , Shkodër
G. S., 21 vjeç, banues në Shkodër,
Të arrestuarit akuzohen për veprat penale “Prodhimi dhe shitja e narkotikëve” kryer në bashkëpunim” dhe “Pastrim i produktit të veprës penale”- thuhet në njoftimin e policisë.
Po ashtu gjatë operacionit janë zhvilluar kontrolle në zona të ndryshme të qytetit të Shkodrës ku është kapur në sheshin ‘’Demokracia’’ shtetasi G. S që tentoi të largohet dhe kur u kap iu gjet një sasi kanabisi në formë çokollate.
Materialet iu referuan Prokurorisë së Rrethit Gjyqësor Shkodër, për veprime të mëtejshme.
