Sot zhvillohen tri ndeshje në Kampionatin Evropian “Euro 2020”
Kampionati Evropian po dhuron ndeshje mjaft interesante. Sot do të zhvillohen tri ndeshje, shkruan albinfo.ch.
Suedia që barazoi pa gola me Spanjën në ndeshjen e parë, do të ballafaqohet me Sllovakinë që mundi Poloninë 2:1. Ndeshja do të zhvillohet nga ora 15:00. Sllovakët me fitore do të kualifikoheshin tutje.
Kroacia kërkon fitoren e parë pas humbjes nga Anglia, ndërsa përballet me Republikën e Çekisë. Kjo e fundit mundi Skocinë 2:0. Sfida do të zhvillohet nga ora 18:00.
Derbi britanik zhvillohet mes Anglisë dhe Skocisë nga ora 21:00. Anglezët duan fitoren dhe kualifikimin, kurse për skocezët është një mision i vështirë për një rezultat pozitiv.
Klikoni KËTU për tu bërë pjesë e kanalit të TV Prizreni në Youtube.
