Është parandaluar një rast i kontrabandës me mallra në pjesën veriore të vendit, saktësisht në fshatin Bistricë të Leposaviqit.
Policia e Kosovës ka njoftuar se në të njëjtin vend kishin ndaluar një kamion me targa të Serbisë.
- Reklama -
“Gjatë kontrollit policia ka vërejtur se në kamion ishin të ngarkuar një sasi e mallit (speca) me peshë rreth 3600 kg, e që dyshohej të jetë kontrabanduar. Lidhur me rastin është njoftuar prokurori dhe i cili ka autorizuar inicimin e rastit ‘kontrabandim me mall’”, thuhet në njoftimin e PK-së.
Malli dhe automjeti janë sekuestruar dhe dërguar në terminalin doganor, ndërsa rasti do të vazhdojë të trajtohet nga Njësia Rajonale e Hetimeve të Drejtorisë Rajonale e Policisë Kufitare-Veriu.
- Reklama -