Ministrja e Arsimit, Arbërie Nagavci u ka bërë thirrje mësimdhënësve dhe stafit teknik të shkollave të vaksinohen në mënyrë që në shtator të jenë të gatshëm të nisin mësimin me praninë fizike të fëmijëve në shkolla.
Nagavci në një konferencë për media dhe sa janë duke marrë masa që viti të nisë me praninë fizike, duke pasur kujdes për shëndetin dhe duke respektuar rekomandimet e Institutit Kombëtar të Shëndetit Publik.
Ajo tha se me ofrimin e kohës për fillimin e vitit të ri është rritur interesimi i mësimdhënësve për tu vaksinuar.
“…Do të thotë se kemi rreh 50 për qind të stafit të mësimdhënësve të vaksinuar”, tha ajo.
Nagavci tha se beson që mësimdhënësit do të kujdesen për shëndetin dhe të tjerëve në mënyrë që të jenë imun ndaj variantit Delta që po përhapet më shpejt se variantet tjera të COVID-19.
“Po synojmë që t’i kemi të gjithë mësimdhënësit dhe stafi tjetër edukativo-arsimor të vaksinuar”, tha ajo, raporton Telegrafi.
Referuar statistikave nga IKSHPK, ajo tha se deri tani janë vaksinuar: arsimtarë 3,458 persona; 193 drejtor shkolle; edukues 108; mësimdhënës 7,680; profesor 3,926; referent, punëtorë arsimi 1,704; nxënës 319; studentë 12,395.
Ajo tha se e rëndësishme është që të vaksinohen edhe studentët, sidomos ata që pritet të jenë në konvikte.
