Ministrja ende në detyrë e Arsimit, Shkencës, Teknologjisë dhe Inovacionit, Arbërie Nagavci, ka bërë të ditur se sot ka nënshkruar vendimin për miratimin e kurrikulës për edukimin në fëmijërinë e hershme, duke thënë se është një dokument kyç që vendos themelet për zhvillimin e hershëm të fëmijëve tanë.
“E hartuar nga një ekip i gjerë profesionistësh – edukatorë, drejtorë të institucioneve parashkollore, profesorë universitarë, zyrtarë të MASHTI-t dhe ekspertë nga Instituti Pedagogjik – kurrikula është mbështetur nga partnerë ndërkombëtarë si UNICEF, Banka Botërore, Save the Children dhe Caritasi Zviceran”, shkruan Nagavci.
