Kryetari i Lidhjes Demokratike të Kosovës, Isa Mustafa, ka folur lidhur me paralajmërimet e Vetëvendosjes se do ta pengojnë zëvendëskryeministrin Driton Selmanaj të hyjë në Kuvend.Z.Mustafa ka thënë se këto janë ‘sjellje jodemokratike dhe banditezke”.
Ai ka thënë se Vetëvendosjes i nevojiten edhe ‘bishtat e sakicave të Shpejtim Bulliqit”“Vetëgjyqësia në sallën e kuvendit, qoftë e individëve apo e një partie politike është e papranueshme dhe ligjërisht e patolerueshme.
Një sjellje e tillë është jodemoktatike, është banditeske. Iu nevojiten vetëm edhe bishtat e sakicave te Shpejtim Bulliqit”, ka thënë Mustafa për Periskopin.
Ai ka folur edhe për deputeten e Vetëvendosjes, znj.Saranda Bogujevci, duke thënë se ‘ka respektin e plotë të tij”.Z.Mustafa thotë se edhe Selmanaj e respekton znj.Bogujevci. “Të gjitha të tjerat janë përpjekje për manipulime me opinionin”, ka thënë ai.“Sa i përket deputetes Saranda Bogujevci, masakrimit të saj dhe të familjes Bogujevci nga serbët, ajo ka respektin e plotë timin, të Driton Selmanajt dhe të LDK-së. Të gjitha tjerat janë përpjekje për manipulime me opinionin”, ka thënë Mustafa.
