Kreu i Lidhjes Demokratike të Kosovës, Isa Mustafa, ka thënë se nuk është diskutuar për presidentin, pas takimit me grupin parlamentar të LDK-së brenda hapësirës së Kuvendit të Kosovës.
Mustafa tha se në takim nuk u diskutua për presidentin porse për ligjin për rimëkëmbjen ekonomike dhe çështje të tjera, ndërsa ka shtuar se nevojitet marrëveshje për presidentin që siguron shumicën e votave në Kuvend.
Ai tha se nuk po diskutojnë tani me PDK-në për koalicion, sepse sipas tij, tani është situatë e rëndë pas ngjarjeve të fundit.
“Pavarësisht kush kë e ka përkrahë, jemi në situatë që presidentin e kemi në Hagë, kemi dy ish-kryeparlamentarë atje dhe një kryetar të grupit parlamentar në Hagë. Nuk është situatë që duhet ta ketë brengën dhe vëmendjen tonë”, ka thënë ai.