Analisti Imer Mushkolaj thotë se tërheqja e mundshme e Lumir Abdixhikut nga mandati i deputetit për t’u marrë me partinë do të ishte gabim.
“Nuk e di pse Abdixhiku ka nevojë të tërhiqet nga mandati i deputetit kur dihet se ti si kryetar i partisë garën kryesore politike e bën në Kuvend dhe fuqinë politike e tregon pikërisht në Kuvend”, tha ai në “Debat Plus”.
Mushkolaj thotë se Abdixhiku mund të përfundojë sikurse Lulzim Basha në PD.
“Është një problem që ai ta reformojë partinë në mënyrë të shpejtë”.
Duke folur për qeverinë e re të mundshme, Mushkolaj thotë se Kurti do të ketë gjithë suksesin nëse qeverisë mirë por edhe përgjegjësinë nëse dështon qeverisja.
