Ministri i Financave, Punës dhe Transfereve, Hekuran Murati ka deklaruar se mund të procedojnë që në fund të muajit shkurt pagat të dalin me ligjin e ri dhe koeficientin e ri.
Sipas Muratit, si rritje e buxhetit paraqet rritjen më të lartë në vlerë absolute që ka ndodhë ndonjëherë.
“Mund të procedojmë që në fund të muajit shkurt pagat dalin me ligjin e ri dhe koeficientin e ri. Si rritje e buxhetit paraqet rritjen më të lartë në vlerë absolute që ka ndodhë ndonjëherë. Përveç koeficientit të pastër prej 105 euro ka edhe shtesa qe përbëjnë rreth 12 për qind dhe janë të shpërndara qoftë për përvojën e punës dhe shtesa të tjera kategorike“- njofton Murati.
“Si tërësi vlera e koeficienteve është arritur të caktohet në bazë të përpjesëtimeve për 2023 është 105 euro ndërsa duke filluar nga 1 janari i vitit të ardhshëm do të jetë 110 euro. Shumë shpejt do të përcillet në Kuvend për miratim”- shtoi ai.
Ndërsa zëvendës ministri i Punëve të Brendshme, Bardhyl Dobra u shpreh se ligji për paga do të hyjë në fuqi më datën 5 shkurt.
“Ligji për paga do të hyjë në fuqi me datën 5 shkurt. Nga dhjetori e deri në këtë javë është punuar ne mënyrë intensive për klasifikimin e pozitave. Në ditët dhe muajt në vijim ky klasifikim do të mbikëqyrët me kujdes dhe do të korrigjohen gabimet potenciale që kanë mundur të ndodhen”- tha Dobra.
Dobra theksoi se ligji do të filloj së zbatuari nga data 6 shkurt.