Përmes një postimi në Facebook, Murati ka thënë se pas ngritjes së çmimeve shumica e bizneseve kanë rritur edhe fitimet dhe ka ftuar ata që këto fitime t’i ndajnë me punëtorët.
“Bizneset t‘i rrisin pagat e punëtorëve. Çmimet janë rritur, por bashkë me çmimet, shumica e bizneseve kanë rritur edhe fitimet. Andaj është koha që fitimet e shtuara, bizneset t’i ndajnë me ata që ua mundësojnë të kenë fitim – pra punëtorët. Sidomos tani kur jeta është bërë më e vështirë si rezultat i çmimeve më të larta”, ka shkruar ai.
