Universiteti “Ukshin Hoti” në Prizren, Fakulteti i Shkencave të Jetës dhe Mjedisit ka njoftuar të gjithë studentët dhe të diplomuarit e rinj se Fondacioni Schorlemer ofron një mundësi të jashtëzakonshme për të zhvilluar praktikë profesionale në Gjermani në fushën e bujqësisë.
Kush mund të aplikojë?
Të rinjtë deri në moshën 30 vjeç me origjinë nga Kosova, Shqipëria, Maqedonia e Veriut, Serbia, Mali i Zi, Bosnje-Hercegovina ose Moldavia, me së paku 4 semestra të përfunduara në studime bujqësore dhe përvojë praktike, ose të kenë përfunduar shkollim profesional në bujqësi dhe me njohuri bazë të gjuhës gjermane ose motivim të fortë për ta mësuar atë.
Çka ofron programi?
Ky program ofron mundësi për praktikë profesionale në ferma gjermane (3 deri në 12 muaj), mbështetje të plotë gjatë gjithë qëndrimit, kompensim sipas rregulloreve gjermane për praktikantët, mbështetje financiare njëherëshe deri në 600 € për kandidatët që plotësojnë kushtet, mentorim profesional dhe rrjet mbështetës, ndihmë me procedurat për vizë dhe sigurim.
Për më shumë informata: www.schorlemer-stiftung.de
