Ministria e Shëndetësisë ka reaguar pasi një qytetar nga Gjilani, iu ka përshkruar ilaqe në vlerë mijëra euro fëmijëve të prekur me autizëm. Arianit Sllamniku ka publikuar edhe në rrjetin e tij social Facebook të kinse trajtimit të këtyre rasteve.
Ministria iu ka bërë thirrje qytetarëve që t’iu besojnë vetëm metodave të verifikuara shkencërisht dhe të mos bien pre e mashtrimeve.
“Ministria e Shëndetësisë ka ndjekur me shqetësim raportimet në media dhe rrjete sociale lidhur me pretendimet se një individ dyshohet se ka ofruar ilaçe, duke i paraqitur ato si trajtim për autizëm. Ministria e Shëndetësisë u bën thirrje qytetarëve që t’u besojnë vetëm metodave të verifikuara shkencërisht, të cilat ofrohen nga institucione dhe profesionistë të licencuar shëndetësorë”, thuhet në reagim.
Ministria e Shëndetësisë ka thënë se ka njoftuar edhe institucionet kompetente dhe është në koordinim me Policinë e Kosovës për trajtimin e mëtejmë të çështjes.
Klikoni KËTU për tu bërë pjesë e kanalit të TV Prizreni në Youtube.
