Instituti Hidrometeorologjik i Kosovës ka njoftuar se të dielën, në vend pritet të mbajë mot i vranët me intervale me diell, ndërsa vende-vende parashihen edhe reshje lokale shiu.
Sipas parashikimit, temperaturat minimale do të lëvizin ndërmjet 6 dhe 9 gradë Celsius, ndërsa maksimalet e ditës pritet të arrijnë nga 24 deri në 27 gradë Celsius.
Era do të fryjë nga drejtimi i verilindjes me shpejtësi prej 1 deri në 11 metra në sekondë.
IHK ka bërë të ditur gjithashtu se indeksi UV gjatë intervaleve me diell do të jetë i lartë, duke rekomanduar shmangien e ekspozimit të zgjatur në diell, veçanërisht nga ora 10:00 deri në 16:00.
Sipas institutit, kushtet meteorologjike do të jenë kryesisht të favorshme për aktivitete në natyrë, megjithatë qytetarëve u rekomandohet të kenë me vete ombrellë për shkak të mundësisë së reshjeve lokale të shiut.
Klikoni KËTU për tu bërë pjesë e kanalit të TV Prizreni në Youtube.
