Moti gjatë javës së ardhshme i vranët, pritet borë

Temperaturat do të shënojnë rënie të ndjeshme. Të mërkurën dhe të premten priten fjolla të dobëta bore.

“Java e ardhshme do të karakterizohet nga mot kryesisht i vranët, me intervale të herëpashershme me diell. Vranësirat, vende-vende, do të shoqërohen me fjolla të dobëta bore. Temperaturat do të shënojnë rënie të ndjeshme, duke sjellë netë dhe mëngjese me acar, ndërsa era do të fryjë nga drejtime të ndryshme. Kujdes i shtuar i pjesëmarrësve në trafik për shkak të ngricave të cilat në viset e larta mund të jenë prezentë gjatë gjithë ditës”, ka njoftuar Instituti Hidrometeorologjik i Kosovës.