Ministrja e Arsimit, Shkencës, Teknologjisë dhe Inovacionit, Arbërie Nagavci, ka kërkuar respektim të rregullave në testin e arritshmërisë, pasi sipas saj, është një domosdoshmëri për përcaktimin e rezultateve reale.
“Respektimi i rregullave është domosdoshmëri për përcaktimin e rezultateve reale dhe pres përgjegjësi të plotë nga të gjithë”, ka shkruar Nagavci në facebook.
Ajo po ashtu i ka dëshiruar suksese nxënësve që do t’iu nënshtrohen këtij provimi.
“Suksese të dashur nxënës! Sot, në ditën e parë të Testit të Arritshmërisë, 24 218 nxënës të klasave të nënta do të vlerësohen për arritjet, njohuritë, shkathtësitë dhe aftësitë e fituara gjatë shkollimit të tyre”, ka shkruar Nagavci në facebook.
Janë 178 qendra, në të cilat do të zhvillohet testi dhe 1600 administrues, të cilët do të kujdesen për mbarëvajtjen e tij.
Testi do të zgjasë 150 minuta.
Klikoni KËTU për tu bërë pjesë e kanalit të TV Prizreni në Youtube.
