Ministri i Kulturës, Rinisë dhe Sportit, Hajrulla Çeku, ka njoftuar se ka filluar hartimi i projektit zbatues për stadiumin e ri të futbollit në Suharekë dhe pritet që vitin e ardhshëm të nisin procedurat e prokurimit për punimet.
Sipas Çekut, tashmë është përzgjedhur koncepti ideor për stadiumin, i cili do të jetë i kategorisë së dytë dhe me kapacitet prej 6518 ulëseve, duke plotësuar kështu standardet më të larta ndërkombëtare.
“Suhareka po bëhet me stadium të ri të kategorisë 2, me kapacitet 6518 ulëse, që plotëson standardet më të larta ndërkombëtare. Tashmë është përzgjedhur koncepti ideor për stadiumin. Ka filluar hartimi i projektit zbatues dhe vitin e ardhshëm do të nisin procedurat e prokurimit për punimet.”, ka shkruar Çeku në Facebook./TVPrizreni/