Kanë marrë fund pengesat për liberalizim vizash për qytetarët e Kosovës. Të martën, Parlamenti Evropian ka miratuar vendimin final. Qytetarët e Kosovës do të lëvizin të lirë në Evropë nga 1 janari i vitit 2024.
Të mërkurën presidenti i Parlamentit Evropian dhe Suedia si kryesuese e Presidencës së BE-së do të nënshkruajnë zyrtarisht vendimin për liberalizim.
- Reklama -
Qytetarët e Kosovës do të mund të lëvizin lirshëm nga 1 janari i 2024-s. Kjo çështje ka qenë e lidhur me sistemin ETIAS të udhëtimit në Evropë, përkatësisht me hyrjen e tij në fuqi. Meqë afati për funksionalizimin e ETIAS-it është shtyrë për në vitin 2024, heqja e vizave për qytetarët e Kosovës do të bëhet më 1 janar të vitit të ardhshëm.
- Reklama -