18 vjeçari, Gëzim Balaj nga fshati Dedaj i Prizrenit, është diagnostikuar me sëmundjen “ Anemi aplastike”- transplanti i palcës kockore, dhe për trajtimin e sëmundjes së tij në Turqi, nevojitën 120 mijë euro, shumë e cila është e papërballueshme për familjen e tij.
Pas njoftimit nga familja, shumë njerëz vullnetmirë kanë filluar mbledhjen e parave të nevojshme jo vetëm në Has, Prizren e Kosovë, por është aktivizuar masovisht edhe diaspora.
Gjatë dytë ditëve të vitëve, mërgimtarët hasjan në Bosnjë dhe Hercegovinë kanë arritur të grumbullojnë 23 mijë e 440 euro, ndërsa ata në Rumani mbi 20 mijë euro, kanë njoftuar përmes dëshmive të ofruara në rrjete sociale aktivistë të cilët janë të angazhuar në sigurimin e mjeteve të kërkuara, ndërsa aksioni për grumbullimin e parave është duke vijuar.
