Forca e Sigurisë së Kosovës për herë të parë do të marrë pjesë në stërvitje me misionin e NATO-s, KFOR, EULEX-in dhe Policinë e Kosovës në aktivitetet trajnuese për menaxhim të krizave në skenarë të ndryshëm.
Siç ka njoftuar KFOR-i, aktivitetet trajnuese në kuadër të ushtrimit “Golden Sabre 2025” në kampin Vrellë do të mbahet më 9 dhe 10 qershor.
“Ky ushtrim do të testojë implementimin e procedurave të menaxhimit të krizave në skenarë të ndryshëm të sigurisë dhe do të ndihmojë në rritjen e aftësisë së subjekteve të ndryshme për të operuar bashkë”, thuhet në njoftimin e KFOR-it.
