Fillimisht dhuroi Serbia vaksina anti-COVID në Spitale në Kosovë. Mirëpo, atje vetëm në pjesën që është e banuar me serbë. Kosova protestoi, pasi vaksinën nuk e kishte aprovuar ende. Serbia tash po ofron transport me autobusë për qytetarët për t’u vaksinuar kundër COVID-19 në pika në Serbi. Mirëpo, vetëm për njerëzit me pasaportë apo letërnjoftim serb, shkruan televizioni zviceran “SRF”.
“Po të kishte vaksina këtu në Kosovë, atëherë do të vaksinoheshim këtu. Jam pak e dëshpëruar pse nuk ka vaksina për të gjithë këtu. Si për ne serbët ashtu edhe për të tjerët, për shqiptarët”, ka thënë Dobrila Kostiq, e cila udhëtoi në Serbi për t’u vaksinuar.
Kështu e sheh edhe Sinisha Ziviq, që po ashtu po vaksinohet në Serbi: “Nuk kemi dëshirë që të shkojmë në Serbi për t’u vaksinuar. Do të donim të merrnim vaksinën këtu në Kosovë. Por, çfarë mund të bëjmë?”
E kështu në këtë kohë qindra kalojnë kufirin për të shkuar në Serbi, për t’u vaksinuar me vaksina anti-COVID të Rusisë apo Kinës. Në javët e fundit Serbia ka vaksinuar me vaksina ruse serbët e Kosovës, një vaksinë që nuk është aprovuar në Kosovë.
Kjo ka bezdisur autoritetet e Kosovës.
“Serbia po përpiqet të ndërhyjë në pçunët tona të brendshme, në mënyrë që të destabilizojë vendin tonë”, ka thënë ushtruesje e detyrës së presidentes së Kosovës, Vjosa Osmani. “Ata do ta përdorin çdo rsat për të na destabilizuar. Edhe këtë vaksinim. E kjo mund të na rrezikojë sigurinë tonë”.
Në Serbi e shohin Kosovën si pjesë të tyre. Ata thonë se duan të vaksinojnë qytetarët në Kosovë edhe mëtutje. Edhe kundër vullnetit të Qeverisë së Kosovës.
Kështu thotë Vladimir Petkotiq, koordinatori nga radhët e Serbisë për vaksinim për qendër të Kosovës.
“Të gjithë, që kanë marrë dozën e parë, do të marrin në kohën e planifikuar edhe dozën e dytë. Interesimi është i madh”, thotë ai.
Kosova është e pa forcë. Serbia po e përdor pandeminë dhe vaksinimin për të demonstruar forcën e saj.
