Përmes një postimi në facebook, ministri MKRS, Hajrulla Çeku, ka pritur në zyren e tij fituesen e medaljes së bronztë në Kampionatin Botëror të boksit I cili u mbajt në Turqi, Donjeta Sadiku, të cilen e ka uruar për këtë arritje të jashtëzakonshme sportive.
Postimi i plotë
Donjeta Sadiku na solli medalje të bronztë nga Kampionati Botëror i Boksit për seniore Nder dhe kënaqësi të pres në takim boksieren tonë Donjeta Sadikun, trajneren Marjola Sallauka, kryetarin e Federatës së Boksit të Kosovës, Enver Krasniqi, dhe kryetarin e Komitetit Olimpik të Kosovës, Ismet Krasniqi.
Jemi krenarë pa fund me punën, përkushtimin e saj dhe të të gjithë sportistëve tanë që janë shndërruar në frymëzim për të gjithë ne me sukseset që po arrijnë.
Donjetës dhe trajneres Sallauka u ndamë shpërblimet shtetërore për sportistët që arrijnë rezultate kulmore në gara ndërkombëtare, ndërsa bashkë do të punojmë që t’i plotësojmë të gjitha kushtet që sukseset e tyre të vazhdojnë.
