Duke e publikuar si video pa koment, mediumi prestigjioz “Euronews” ka shfaqur dështimin e shtetit të Kosovës që të sigurojë vaksina anti-COVID për qytetarët e saj. Në një video të shkurtër, ky medium ka treguar qytetarë serbë të Kosovës që nga Graçanica janë nisur me autobusë drejt Graçanicës për t’u vaksinuar.
“Serbia ka nisur vaksinimin e shtetasve të vet që jetojnë në Kosovë ku vaksinat ende s’kanë arritur. #PaKoment”, thuhet në përshkrim të videos në të cilën shfaqen qytetarë që hipin në autobus dhe më pas pamje të tyre në Kurshumli duke u vaksinuar. Siç përshkruhet në video, ngjarja kishte ndodhur të premten.
Teksa në të gjithë rajonin ka nisur vaksinimi i qytetarëve me vaksinat anti-COVID, Kosova ende s’është furnizuar me vaksina edhe pse autoritetet kishin premtuar se në shkurt do të niste vaksinimi.
Për vaksinimin e qytetarëve serbë të Kosovës nga autoritetet e Serbisë ka kohë që është raportuar.
Në vend deri tash janë regjistruar 68 mijë e 777 raste pozitive, ndërsa 1595 persona kanë humbur betejën me virusin.
