Me moton “Mos hezito”, sot komuna e Suharekës ka organizuar aktivitete në kuadër të muajit rozë për ndërgjegjësimin kundër kancerit të gjirit.
Aktivitetet e parapara janë mbajtur në Shtëpinë e Kulturës “Ukë Bytyçi”, ku të pranishëm ishin dhe kryetari i Suharekës, Bali Muharremaj dhe nënkryetari i Kuvendit të Kosovës, Enver Hoxhaj.
Përveç fjalimeve, një ligjeratë rreth temës është mbajtur dhe nga Nazmi Kolgeci, kirurg torokal dhe drejtor i Klinikës Kirurgjike Torokale.
Kurse Laureta Fondaj, e mbijetuara nga kjo sëmundje ka rrëfyer historinë e saj triumfuese në këtë muaj dedikues për kujdesin ndaj shëndetit të femrave.
