Biblioteka e Prizrenit, përmes një njoftimi në faqen e saj, bën të ditur se më kërkesë të lexuesve, ka ndryshuar formën e anëtarësisë së saj.
“Me anë të këtij njoftimit, i infomojmë lexuesit e bibliotekës sonë se me kërkesë të lexuesve do të ndryshojë forma e anëtarsisë vjetore në bibliotekë.
Vendoset që anëtarësia vjetore për anëtarët e rregullt të bibliotekës të mos jetë janar-dhjetor sikurse më parë, por t`u mundësohet anëtarësia varësisht nga data dhe muaji kur regjistrohen deri në datën dhe muajin e njëjtë të vitit vijues. Pra, prapë ngelet anëtarësia 1 vjeçare mirëpo mundesia është më e madhe për shfrytëzimin e bibliotekës.
Arsyetim: Duke pasur parasysh se nga gjysma e vitit lexuesit hezitonin të anëtarësohen në bibliotekë për disa muaj, tani me kërkesë të tyre, arsyetim të stafit të bibliotekës dhe miratim të DKRS merret ky vendim që lexuesit nga ky muaj mund të anëtarësohen deri në muajin e njëjtë të vitit 2025.
Ky vendim merret me qëllim të rritjes së numrit të lexuesve në bibliotekë, si dhe mundësisë më të madhe që lexuesit ta shfrytëzojnë bibliotekën.
Të dashur lexues ju mirëpresim dhe biblioteka do të jetë çdo herë një portë e hapur për ju!”, thuhet në fund të këtij njoftimi./TVPrizreni/