Mbytet një 20-vjeçar në Velipojë

Një ngjarje tragjike ka ndodhur këtë të martë në plazhin e Velipojës. Një djalë 20 vjeç ka humbur jetën sapo ka hyrë në ujë. Ai u nxor në breg nga familjarët dhe roja bregdetare, por pavarësisht përpjekjeve për t’i dhënë ndihmën e parë ai ka vdekur.

Fillimisht u dyshua se i riu kishte humbur jetën nga mbytja, por në njoftimin e saj policia thotë se 20-vjeçari dyshohet të ketë pësuar arrest kardiak.

“Rreth orës 10:25, në plazhin e Velipojës, shtetasi A. S., 20 vjeç, banues në Shkodër, sapo ka rënë në kontakt me ujin, nuk është ndjerë mirë nga ana shëndetësore. Ai është nxjerrë në breg nga familjarët dhe roja bregdetare dhe i është dhënë ndihma e parë, por ka humbur jetën. Paraprakisht dyshohet se 20-vjeçari ka humbur jetën nga arresti kardiak. Grupi hetimor vijon punën për përcaktimin e saktë të shkakut të humbjes së jetës”, thuhet në një njoftim të policisë së Shkodrës.

Që prej nisjes së këtij muaji janë disa rastet kur pushues të moshave të ndryshme humbin jetën sapo futen në ujë, dyshohet për shkak të arrestit kardiak. Megjithatë, viktima e ditës së sotme është më i riu në moshë.

Për shkak edhe të temperaturave të larta, ekspertët kanë këshilluar herë pas here për kujdes nga ekspozimi në diell./tvklan.al

Mbytet një 20-vjeçar në Velipojë

Të tjera nga rubrika

Publikohet formacioni i Kosovës për ndeshjen ndaj Irlandës

Tre vjet nga rënia e Afrim Bunjakut, 11 policë nderohen me Medalje për Shpëtim Jete

Shqipëria në trevjetorin e Banjskës: Nuk mund të ketë paqe të qëndrueshme pa llogaridhënie

Komisioni për Komunitete viziton shkollat e Prizrenit për të vlerësuar nevojat e nxënësve