Ministria e Kulturës, Rinisë dhe Sportit e Kosovës ka njoftuar mbylljen e përkohshme të disa zonave në Kalaja e Prizrenit, pas vlerësimeve profesionale që kanë evidentuar rrezik potencial për vizitorët.
Sipas njoftimit zyrtar, disa struktura të kalasë janë në gjendje të rënduar, prandaj zonat e rrezikuara janë kufizuar dhe shënuar deri në një njoftim të radhës.
Po ashtu, është pezulluar përkohësisht shfrytëzimi i hapësirave të kalasë për aktivitete kulturore, artistike dhe organizime të ndryshme, deri në stabilizimin e situatës.
Ministria ka bërë thirrje për mirëkuptim nga qytetarët, duke theksuar se vendimi është marrë për mbrojtjen e trashëgimisë kulturore dhe sigurinë e vizitorëve.
Klikoni KËTU për tu bërë pjesë e kanalit të TV Prizreni në Youtube.
