Për shkak të kërcënimeve për mjetet shpërthyese, disa kopshte dhe shkolla janë evakuuar në të gjithë Malin e Zi të enjten, raporton “Vijesti”.
Policia po kontrollon objektet dhe mësimi do të rifillojë kur të konstatohet se ato janë të sigurta.
Kërcënimet janë pranuar në emailet e institucioneve shkollore.
Raportimi për bombë është dërguar në adresën elektronike të një shkolle fillore dhe të mesme në Budva.
Kërcënimi ka detyruar mbylljen e kopshteve në Nikshiq. Ato do të qëndrojnë të mbyllura gjatë gjithë ditës së sotme.
Më shumë se 2000 fëmijë shkojnë në kopshtet e Nikshiqit.
Në shkollat fillore dhe të mesme të Pljevljas, mësimi po mbahet online shkaku i kërcënimeve.
Alarmi për bombë është dërguar edhe në emailin e shkollës fillore në Bijelo Polje.
