Deputetët e Lidhjes Demokratike e Kosovës (LDK) janë mbledhur në selinë e partisë pas zhvillimeve të fundit politike. LDK-ja deri tash nuk ka marrë pjesë në aktivitetet e dy partive të tjera opozitare, PDK-së e Aleancës, në Kuvend, ku u përplasën me deputetë të VV-së gjatë ditës së djeshme. Ka pasur zëra brenda LDK-së për reagim.
Deputetja e LDK-së, Vjosa Osmani ka deklaruar se mbledhja e sotme e Grupit Parlamentar është mbledhje e zakonshme. Theksoi se janë në mbrojtje të Kushtetutës.
“Është takimi i grupit parlamentar, natyrisht për zhvillimet e fundit. Sapo të përfundojë takimi do të kemi deklaratë të përbashkët”, tha ajo, transmeton EkonomiaOnline.
E pyetur se pse dje nuk ishin në Kuvend bashkë me PDK-në e Aleancën, Osmani ka thënë se kanë qenë aty, mirëpo për qëndrimet më në detaje do të flasin sot në mbledhje.
“Çdo ditë jam në Kuvend. Çdo ditë jam në Kuvend. Edhe sot isha në Kuvend. Ne jemi në përkrahje të mbrojtjes së Kushtetutës, kurse qëndrimet më në detaje do t’i publikojmë sot menjëherë pasi të përfundojë takimi i grupit parlamentar”, tha Osmani./KOHA
Klikoni KËTU për tu bërë pjesë e kanalit të TV Prizreni në Youtube.
