Fehim Sali, i arrestuar më 13.08.2026 në pikën kufitare në Merdarë nën dyshimin për spiunazh, është ndaluar për 48 orë me aktvendim të Prokurorisë Speciale.
Arrestimi i tij është kryer nga Policia e Kosovës, ndërsa pas arrestimit, hetuesit policorë nga Drejtoria për Hetimin e Krimit të Organizuar dhe Krimeve të Rënda kanë zbatuar urdhërkontrollin në vendbanimin e tij në Dragash.
Gjatë bastisjes, sipas komunikatës së përbashkët të Policisë së Kosovës dhe Prokurorisë Speciale, janë gjetur dhe sekuestruar 39 mijë e 500 euro para të gatshme, 500 dinarë, katër telefona celularë si dhe dokumente të ndryshme relevante për rastin.
