Nën drejtimin e drejtoreshës për Emergjenca dhe Siguri, Ramize Shala, në sallën e mbledhjeve të Kuvendit Komunal të Prizrenit është mbajtur sot takimi i parë grupit punues për Planin e Vlerësimit të Rrezikut në Komunën e Prizrenit.
Pjesë e këtij grupi janë 26 zyrtarë, përfshirë zyrtarë komunalë, të policisë, Kryqit të Kuq, Hidroregjionit Jugor, QKMF-së, QRTK-së, FSK-së, EkoRegjionit, OJQ-ve dhe të institucioneve të tjera.
Drejtoresha për Emergjenca dhe Siguri, Ramize Shala, tha se ky dokument është i një rëndësie të veçantë dhe se qëllimi i këtij takimi është njoftimi për procedurat e përgatitjes së këtij plani dhe përgjegjësitë që e secilit pjesëtar të këtij grupi. Do të përgatiten të dhëna për secilin institucion dhe ato informacione do të kërkohen nga koordinatori i këtij grupi dhe më pas ato të dhëna do të jenë pjesë e dokumentit final.
